Tilraunabólusetningar hefjast í dag
Setja bókamerki
Heilsugæslustarfsmenn í Austur-Kongó munu í dag hefja tilraunabólusetningar vegna Ebólu-faraldurs sem brotist hefur út í austurhluta landsins.
Í frétt BBC segir að heilsugæslustarfsmenn verði meðal þeirra fyrstu sem fá bólusetninguna í dag. Tilraunabóluefnið reyndist áhrifaríkt í takmörkuðum rannsóknum sem gerðar voru á því þegar faraldurinn herjaði á Vestur-Afríku á árunum 2014 til 2016.
Talið er að 26 manns hið minnsta hafi látist af völdum Ebólu-faraldursins sem hófst fyrr í mánuðinum. Tilkynnt hefur verið um 45 Ebólu-smit og af smituðum eru þrír heilbrigðisstarfsmenn.
Alþjóðaheilbrigðisstofnunin telur faraldurinn ekki vera alþjóðlegalýðheildsuvá á þessu stigi, en níu nágrannaríkjum Kongó hefur verið tilkynnt um að líklegt sé að faraldurinn berist þangað.
Yfir 300 stæði fóru undir hraun
Virknin dregist saman um 600 metra
Úlfar: Heppileg tímasetning á gosinu
Fullvissa ferðamenn um að hér sé öruggt
„Erum í miðri hrinu“: Styttist í Eldvörp
Drónamyndskeið frá hápunkti gossins í nótt