Flugskeytið sem grandaði farþegaþotu Malaysia Airlines flugfélagsins yfir austurhluta Úkraníu í júlí 2014 var í eigu rússneskrar herdeildar. Þetta fullyrðir hollenska rannsóknarteymið sem rannsakaði atvikið. BBC greinir frá.

Áður hefur komið fram að flugskeytið hafi verið rússneskrar gerðar, en þetta er í fyrsta skipti sem rannsakendur staðhæfa að það hafi verið í eigu rússneska hersins. Er það sagt hafa komið frá hersveit sem er með bækistöð sína í vesturhluta Rússlands.

Frétt af mbl.is

Sakaður um að granda MH17

Alls létust 298 manns sem voru um borð í Boeing 777 vélinni er hún rifnaði í sundur í lofthelginni yfir Úkraínu á leiðinni frá Amsterdam til Kuala Lumpur.

Flugskeytinu var skotið á loft yfir svæði uppreisnarmanna í Úkraínu og hafa rússnesk yfirvöld fullyrt að ekkert þeirra vopna hafi verið notað til verksins.

Frétt af mbl.is

Flugskeytið kom frá Rússlandi

„Öll ökutæki í bílalestinni sem bar flugskeytið tilheyrðu rússneska hernum,“ sagði einn rannsakendanna, Wilbert Paulissen, við fréttamenn í dag. Því næst ítrekaði hann þá niðurstöðu rannsóknarteymisins að farþegaþotan hefði verið skotin niður af rússnesku Buk flugskeyti og að það hefði komið frá 53. herdeildinni í Kursk.

Þá birti hann einnig myndir af samfélagsmiðlum sem rannsakendur segja rekja leiðina sem flugskeytalestin fór á leið sinni til Austur-Úkraínu.

Frétt af mbl.is

Staðsetja flaugina sem grandaði MH17

Tengdar fréttir

Farþegaþota hrapar í Úkraínu

Pútín beri ábyrgð á vopninu sem grandaði vélinni

• Rannsókn á máli MH17 hætt
• Rússar segja dóminn hneyksli
• Þrír sakfelldir fyrir að granda MH17
• Gengu erinda hersins þegar þeir grönduðu MH17

» Fleiri tengdar fréttir

• Blogga um frétt