Conte reynir að mynda ríkisstjórn á ný

Stærstu flokkar á Ítalíu eftir nýafstaðnar kosningar hyggjast reyna í annað sinn að mynda ríkisstjórn. Fimmstjörnuhreyfingin og Bandalagið hafa að nýju stungið upp á Giuseppe Conte sem forsætisráðherraefni þeirra.

Conte skilaði inn nýjum lista af væntanlegum ráðherrum í dag, samkvæmt BBC. Fyrirhugað er að ný ríkisstjórn verði samþykkt á morgun. Í kjölfarið hefur Carlo Cottarelli hætt við myndun starfsstjórnar, sem fyrirhugað var að myndi starfa fram að nýjum þingkosningum sem ættu að fara fram í síðasta lagi ársbyrjun 2019.

Frétt af mbl.is

Þingkosningar í síðasta lagi í ársbyrjun

Áform Luigi Di Maio, leiðtoga Fimmstjörnuhreyf­ing­ar­inn­ar, og Matteo Sal­vini, leiðtoga Banda­lags­ins, um myndun ríkisstjórnar lentu í miklum ógöngum í kjölfar þess að forseti Ítalíu, Sergio Mattarella, neitaði að staðfesta tilnefningu meirihlutans í embætti fjármálaráðherra.

Vildi ekki andstæðing evrunnar

Forsetinn synjaði tilnefningu Paolo Savona í stöðu fjármálaráðherra vegna viðhorfa hans í garð evrusamstarfsins. Nú hafa leiðtogar flokkana hinsvegar lagt til annan í embætti fjármálaráðherra.

Eftir fund sinn með forsetanum í dag staðfesti Conte að hann mun tilnefna hagfræðinginn Giovanni Tria í embættið. Tria er talinn gagnrýnin gagnvart Evrópusambandinu, en ekki mótfallinn aðild Ítalíu að evrunni. Er forsetinn því talinn líklegri til þess að staðfesta skipun hans.

Frétt af mbl.is

Ekki þrælar Þjóðverja eða Frakka

• Blogga um frétt