Bandaríski kvikmyndaleikarinn Bill Cosby, sem var sakfelldur í apríl fyrir kynferðislegt ofbeldi, hefur ákveðið að skipta um lögmann áður en dómur verður upp kveðinn yfir honum. 

Fram kemur í frétt AFP að nýji lögfræðingurinn sé Joseph P. Green en hann kemur í stað Tom Mesereau en Mesereau er þekktur fyrir að taka að sér mál einstaklinga úr röðum fræga fólksins. Fyrsti lögmaður Cosbys var Brian McMonagle.

Talsmaður Cosbys greindi frá þessu í gær en ekki kom fram hvers vegna leikarinn hefði ákveðið að skipta um lögmann. Fyrsta verkefni Greens verður að fara fram á vægan dóm yfir Cosby þegar dómur verður kveðinn upp sem gert er ráð fyrir að verði 24. september. Hugsanlegt er einnig að dómnum verði áfrýjað.

Tengdar fréttir

Bill Cosby

Fyrrverandi Playboy-fyrirsæta kærir Cosby

• Cosby dæmdur fyrir að brjóta gegn unglingsstúlku
• Cosby heldur fyrirlestra í fangelsinu
• Úr þjóðargersemi í kynferðisafbrotamann
• Bill Cosby dæmdur í fangelsi

» Fleiri tengdar fréttir

• Blogga um frétt