Trump bindur enda á aðskilnað fjölskyldna
Setja bókamerki
Tengdar fréttir
Á flótta
Donald Trump, forseti Bandaríkjanna, hefur undirritað forsetatilskipun sem felur í sér að hætt verði að aðskilja foreldra og börn ólöglegra innflytjenda. Með undirskriftinni er Trump að bregðast við afar umdeildri stefnu ríkisstjórnar sinnar.
„Þetta snýst um að fjölskyldur séu saman,“ sagði Trump þegar hann undirritaði tilskipunina við formlega athöfn í Washington. „Ég var ekki hrifinn af því að fjölskyldur voru aðskildar,“ bætti hann við, en ítrekaði á sama tíma að innflytjendastefna stjórnvalda mun áfram fela í sér vinnubrögð þar sem fólki sem reynir að komast til Bandaríkjanna með ólögmætum hætti verður ekki sýnt neitt umburðarlyndi.
Tilskipunin tók gildi við undirritun Trumps og verður í gildi þar til ný löggjöf um innflytjendur verður samþykkt. Frumvarp þess efnis verður til umfjöllunar í fulltrúadeild Bandaríkjaþings á morgun, fimmtudag. Paul Ryan, forseti fulltrúadeildarinnar, segir að kosið verði um löggjöfina í þeim tilgangi að gera fjölskyldum kleift að vera saman.
Tengdar fréttir
Á flótta
Vilja flytja út fisk gegnum Ísland
Óformlegt eftirlit vegna hryðjuverka
Evrópuumræðu laumað á dagskrá
Óvíst um lögfestingu kílómetragjaldsins
„Áhugavert að sjá skjálfta þarna“
Einn á slysadeild eftir hópslagsmál
Appelsínugular og gular viðvaranir í dag