Mótmælendur púuðu á og æptu að Kirstjen Nielsen, heimavarnarráðherra Bandaríkjanna, þar sem hún snæddi á mexíkóskum veitingastað nærri Hvíta húsinu í Washingtonborg í gærkvöld. BBC greinir frá.

Aktívistar veittust að Nielsen þar sem hún sat á veitingastaðnum, en Bandaríkjastjórn situr undir harðri gagnrýni vegna harðra móttaka á þeim sem koma yfir landamærin frá Mexíkó í leit að hæli. Börn eru tekin af foreldrum sínum sem settir eru í fangelsi, en börnin eru geymd í búðum og jafnvel inni í eins konar búrum dögum, vikum og jafnvel mánuðum saman.

Frétt af mbl.is

Herra forseti átt þú ekki börn?

Öryggisverðir Nielsen gættu þess að mótmælendur kæmust ekki of nærri henni þar sem hún sat aftarlega á staðnum. Meðal þess sem hrópað var var „Hvernig sefurðu á nóttunni?“, „Ef börn fá ekki að borða í friði þá færð þú ekki að borða í friði,“ „Heyrirðu í gráti barnanna?“ og „Ert þú ekki móðir líka?“

Tengdar fréttir

Flóttafólk í Bandaríkjunum

17 tilskipanir Bidens

• Boðar nýtt innflytjendafrumvarp
• Eins og tilraunastarfsemi í fangabúðum
• Lést í varðhaldi 40 árum eftir komuna
• Hlupu fram hjá þjóðvarðliðum og inn í Mexíkó

» Fleiri tengdar fréttir

• Blogga um frétt