Fimm konum sem starfa fyrir hjálparsamtök á afskekktum stað í austurhluta Indlands var rænt og þeim nauðgað af hópi karla á þriðjudag. Lögreglan greindi frá þessu í dag.

Konurnar eru í samtökum sem starfa með flóttafólki og berjast gegn mansali. Þær voru staddar í þorpi í Khunti í Jharkhand-ríki þegar þeim var rænt og þeim nauðgað. Ofbeldið var tekið upp á myndband og konunum hótað lífláti ef þær tilkynntu það til lögreglu.

Að sögn lögreglustjórans, Rajesh Prasad, starfa konurnar með Asha Kiran-hjálparsamtökunum sem eru kristniboðssamtök á svæðinu.

Lögreglan hefur yfirheyrt nokkra í tengslum við árásina, þar á meðal nokkra úr tveimur óskyldum hópum, annars vegar stjórnleysingja og hins vegar maóista. 

Kynferðislegt ofbeldi er mjög algengt á Indlandi og ekki síst í Jharkhand. Þar var þremur unglingsstúlkum nauðgað í síðasta mánuði og þær brenndar lifandi.

Tengdar fréttir

Kynbundið ofbeldi á Indlandi

Orðbragðið kynferðislegt, gróft og mjög meiðandi

• Mótmæla nauðgun á níu ára stúlku
• 13 og 16 ára stúlkur fundust látnar
• Prestur handtekinn fyrir morð og nauðgun
• Hrottalegar nauðganir sem leiða til dauða

» Fleiri tengdar fréttir

• Blogga um frétt