Mario Sepulveda, einn námuverkamannanna sem voru fastir neðanjarðar í heila 69 daga árið 2010, sendi drengjunum sem eru nú fastir í helli í Chiang Rai-héraði í Taílandi uppörvandi skilaboð í dag og brýndi fyrir þeim að gefast ekki upp.

Sepulveda, sem einnig er þekktur sem Super Mario eftir þrekraun sína í kopar- og gullnámunni í Síle, þar sem hann hjálpaði félögum sínum að halda í baráttuþrekið allan tímann, sagði í myndbandi sem síleskir fjölmiðlar hafa birt  í dag að hugur hans sé með drengjunum tólf og þjálfaranum.

Super Mario segist jafnvel vera að íhuga að bóka sér ferð til Taílands og hjálpa til og að hann sé að reyna að safna fjármunum til ferðarinnar.

„Ég ætla að sjá hvað ég gert gert. Ég ætla að hringja í einhvern frá [sílesku] ríkisstjórninni til að reyna að skrapa saman fjármunum. Ég tel það mikilvægt fyrir landið að við séum þarna, eftir það sem námuverkamennirnir gengu í gegnum,“ sagði Sepulvada við AFP-fréttaveituna.

Lögreglumenn standa vaktina utan við hellismunnann í Taílandi í dag. AFP

Tengdar fréttir

Leita drengja í helli

Bjargvættur lést úr blóðeitrun

• Hellirinn frægi opnaður ferðamönnum
• Ár liðið frá hellabjörgun
• Netflix gerir mynd um hellabjörgunina
• Andlegri hreinsun Villigaltanna lokið

» Fleiri tengdar fréttir

• Blogga um frétt