Donald Trump Bandaríkjaforseti mun að mestu leyti forðast London þegar hann kemur til Bretlands í opinbera heimsókn í næstu viku. Forsetinn mun bæði hitta Theresu May forsætisráðherra og Elísabetu drottningu.

Verður þetta fyrsta heimsókn Trump til Bretlands síðan hann tók við embætti forseta í janúar 2017. Sendiherra Bandaríkjanna í Bretlandi, Woody Johnson, segir að rætt verði um mögulegan tvíhliða viðskiptasamning ríkjanna eftir að Bretland gengur úr Evrópusambandinu.

Trump mun aðeins dvelja eina nótt í London en þar hefur verið boðað til fjöldamótmæla vegna heimsóknar hans. Nú hafa rúmlega 50 þúsund manns boðað komu sína á mótmælin.

Skipuleggjendur mótmælanna vilja láta í ljós óánægju sína með stefnu Trump í innflytjendamálum.

Trump ætlar að eyða helginni í Skotlandi en móðir forsetans fæddist á skoskri eyju. Með forsetanum í för verður Melania Trump forsetafrú.

Tengdar fréttir

Donald Trump verðandi Bandaríkjaforseti

Sérstakur saksóknari vægir í máli Trumps

• Útnefnir vogunarsjóðsstjóra í fjármálaráðuneytið
• Trump mun ekki sæta refsingu
• Pam Bondi næsti dómsmálaráðherra
• Hættir við að reyna að verða ráðherra Trumps

» Fleiri tengdar fréttir

• Blogga um frétt