Utanríkisráðuneyti Sýrlands fordæmir brottflutning hundruð liðsmanna Hvítu hjálmanna og fjölskyldna þeirra frá Suður-Sýrlandi en Ísrael kom að flutningi þeirra frá átakasvæðunum.
Yfir 400 björgunarsveitarmenn og fjölskyldur þeirra voru fluttir frá Daraa og Quneitra héruðum til Ísrael í gær en þaðan var farið með hópinn til Jórdaníu. Hópurinn fær hæli í nokkrum vestrænum ríkjum.
Í yfirlýsingu ráðuneytisins kemur fram að um saknæma aðgerð hafi verið að ræða af hálfu Ísraela. Segir í yfirlýsingunni að Hvítu hjálmarnir séu hryðjuverkasamtök og vara heiminn við hættunni sem fylgir þeim. Ekki sé hægt að lýsa því með orðum reiðinni sem sé í huga Sýrlendinga vegna þessara aðgerða.
Hvítu hjálmarnir eru samtök sem hafa vakið heimsathygli fyrir björgunarstörf á átakasvæðum í Sýrlandi undanfarin ár. Þeir eru yfirleitt fyrstir á vettvang eftir loftárásir og aðrar árásir á svæði uppreisnarmanna í Sýrlandi. Ríkisstjórnir víða um heim hafa stutt við bakið á Hvítu hjálmunum, svo sem Bretlands, Þýskalands, Kanada, Bandaríkjanna auk fjölmargra annarra.
Alls komu 422 á þeirra vegum til Jórdaníu í gær og fá þeir hæli í Bretlandi, Kanada og Þýskalandi.
Scared and injured but alive, a child was rescued by the #WhiteHelmets from under the rubble of her bombed home after Russian air raids on #ElTaebah city in the eastern countryside of #Daraa yesterday. #Act4_southernsyria #Act4Daraa pic.twitter.com/LsaCEp4hEW
— The White Helmets (@SyriaCivilDef) June 28, 2018