Hermenn og lögreglumenn rýmdu götur í miðborg Harare, höfuðborgar Simbabve, í morgun en í gær voru þrír mótmælendur úr röðum stjórnarandstæðinga skotnir til bana.

Frétt af mbl.is

Dauði mótmælenda verði rannsakaður

Hermenn með árásarriffla og lögreglumenn hrópuðu að gangandi vegfarendum og kaupmönnum að yfirgefa miðborgina og hefur fyrirtækjum þar verið lokað.

Ökumaður les dagblaðið. Fyrir aftan hann er auglýsingaskilti með mynd af stjórnarandstöðuleiðtoganum Nelson Chamisa. AFP

Yfirvöld í Simbabve hafa hvatt almenning til að sýna þolinmæði en beðið er eftir niðurstöðu úr forsetakosningunum þar í landi. Samhliða þeim fóru fram þingkosningar.

Yfirkjörstjórn Simbabve hefur lýst því yfir að Zanu-PF, flokkur Emmerson Mnangagwa, forseta landsins, hafi borið sigur úr býtum í þingkosningunum með tvo þriðju hluta atkvæða.

Nelson Chamisa, leiðtogi stjórnarandstöðunnar, segir að brögð hafi verið í tafli í kosningunum.

Hermenn fyrir utan höfuðstöðvar stjórnarandstöðuflokksins MDC. AFP

Antonio Guterres, aðalritari Sameinuðu þjóðanna, hefur hvatt stjórnmálamenn í Simbabve til að sýna stillingu. Bandaríska sendiráðið í Harare hvatti einnig til stillingar og sagði að þjóðin hefði „sögulegt tækifæri“ til að öðlast bjarta framtíð.

Tengdar fréttir

Simbabve

Áratugur valdarána í Afríku

• Áfrýjar dómi um að grafa upp lík Mugabe
• Sektuð um kýr og geitur fyrir greftrun Mugabes
• Robert Mugabe látinn
• Nauðgað af hermönnum

» Fleiri tengdar fréttir

• Blogga um frétt