Mannskæð brúarhrun frá aldamótum
Setja bókamerki
Ítalska þjóðin er harmi slegin eftir að Morandi-brúin í nágrenni borgarinnar Genúa á Ítalíu hrundi með þeim afleiðingum að minnst þrjátíu létu lífið.
Samkvæmt samantekt AFP-fréttaveitunnar er þetta mesta manntjón sem hefur hlotist af völdum brúarhruns í Evrópu síðan 2001 en AFP tók saman mannskæðustu brúarhrun frá aldamótum.
2016: 26 létu lífið í Kolkata
Í mars árið 2016 hrundi brú yfir fjölfarna umferðargötu í borginni Kolkata á Indlandi með þeim afleiðingum að 26 létu lífið. Björgunarfólk bjargaði hundrað manns undan brúarrústunum.
2011: Skammt stórra högga á milli
Árið 2011 létu 32 hátíðargestir lífið skammt frá bænum Darjeeling þegar brú hrundi í norðausturhluta landsins. Aðeins viku síðar hrundi önnur brú í norðausturhluta landsins með þeim afleiðingum að 30 létu lífið.
2007: Nepal og Kína
Að minnsta kosti 64 verkamenn létust í vinnuslysi í Kína í ágúst 2007 þegar þeir unnu að brúarsmíði yfir fljót. Brúarsmíðin var mjög langt komin þegar slysið varð. Sama ár létu 16 lífið í Nepal eftir að brú hrundi í vesturhluta landsins. Mikill fjöldi pílagríma var á brúnni þegar hún hrundi en hundrað náðu að synda í land.
2006: Pakistan og Indland
Í ágúst 2006 létust 40 eftir að miklar rigningar skoluðu brú í Mardanm á brott í norðvesturhluta Pakistan. Í desember sama ár létust 34 á Indlandi þegar 150 ára brú hrundi á farþegalest á lestarstöð í Bihar-ríki.
2003: Indland og Bólivía
Tuttugu létu lífið, þar af 19 börn, þegar skólarúta og fjögur farartæki enduðu í á eftir að brú féll í nágrenni borgarinnar Mumbai á Indlandi. Sama ár létust 29 í Bólivíu þegar brú skolaðist til vegna mikilla flóða.
2001: Mikið manntjón í Portúgal
Mikið manntjón varð í Portúgal í mars árið 2001 þegar aldagömul brú hrundi með þeim afleiðingum að rúta og þrír bílar féllu í Douro-ána skammt frá hafnarborginni Porto.
Vinna hefst í dag við að reisa undirstöður
Fæðuöryggi: „Áttum mat í þrjár vikur“
Ekki hægt að slá gosið út af borðinu strax
Íslensk kona handtekin á Tenerife eftir líkamsárás
Fundur hafinn hjá kennurum, ríki og sveitarfélögum
Létu lofthræðsluna ekki á sig fá
Börnin eiga að ýta við foreldrum sínum