Kofi Annan, handhafi friðarverðlauna Nóbels og fyrrverandi aðalritari Sameinuðu þjóðanna, er látinn, áttatíu ára að aldri.
Frá þessu greinir fréttavefur breska ríkisútvarpsins og hefur eftir alþjóðlegum stjórnarerindrekum.
Annan var fyrsti svarti Afríkumaðurinn til að taka við þessu æðsta embætti Sameinuðu þjóðanna, og gegndi því í tvö tímabil, samtals tíu ár, frá ársbyrjun 1997 til ársloka 2006.
Síðar starfaði hann sem sérstakur sendifulltrúi SÞ í Sýrlandi, þar sem hann leitaðist við að finna friðsamlega lausn á þeirri styrjöld sem þar ríkir.
It is with immense sadness that the Annan family and the Kofi Annan Foundation announce that Kofi Annan, former Secretary General of the United Nations and Nobel Peace Laureate, passed away peacefully on Saturday 18th August after a short illness... pic.twitter.com/42nGOxmcPZ
— Kofi Annan (@KofiAnnan) August 18, 2018