Trump finnur til með Manafort
Setja bókamerki
„Mér líður mjög illa fyrir hönd Paul Manafort og yndislegu fjölskyldunnar hans. „Réttlætið“ tók tólf ára gamalt mál, setti ótrúlegan þrýsting á hann og ólíkt Michael Cohen neitaði hann að „brotna“, búa til sögur í því skyni að fá „samning“,“ sagði Donald Trump Bandaríkjaforseti í Twitter-færslu sinni í dag. Manafort, fyrrverandi stjórnarformaður forsetaframboðs Trumps, var í gær sakfelldur fyrir fjár- og skattsvik og gæti átt yfir höfði sér allt að 80 ár í fangelsi.
Forsetinn sagði í gær eftir að úrskurður kviðdóms í máli Manafort lá fyrir, að hann væri „góður maður“ og lögsóknin á hendur honum væri pólitísk.
Manafort var sakfelldur fyrir 8 af alls 18 ákæruliðum, en ekki náðist úrskurður um hina tíu. Þau mál sem tekin voru fyrir í réttarhöldunum í gær voru þó aðeins byrjunin fyrir Manafort þar sem hann á fram undan önnur réttarhöld í næsta mánuði þar sem meginhluti lögsóknarinnar gegn honum verður tekinn fyrir.
Trump hefur verið mjög virkur á Twitter-reikningi sínum í dag og fer hann heldur ófögrum orðum um fyrrverandi lögmann sinn, Michael Cohen, sem einnig var réttað yfir í gær. Segir hann meðal annars að þeir sem vilji leita sér góðrar lögfræðiþjónustu ættu ekki að hugleiða Cohen.
Cohen játaði í gær skattsvik og brot á lögum um fjármögnun kosningabaráttu. Þær játningar gætu haft áhrif á afstöðu rannsóknar sérstaks saksóknara, Roberts Mueller, til forsetans þar sem Cohen sakaði Trump um að fyrirskipa ólöglegar greiðslur sem Cohen játaði að hafa haft umsjón með.
Kærði sig inn í yfirlýsinguna
/frimg/1/51/78/1517807.jpg)
„Maður má aldrei gefast upp“
Ekkert bendir til þess að atburðarásinni sé lokið
Jón: 70% Viðreisnarmaður samkvæmt kosningaprófi
/frimg/1/32/47/1324721.jpg)
Rannsókn í byrlunar- og símamáli felld niður
/frimg/1/51/78/1517859.jpg)
Tekur of langan tíma: Bjarni hvattur til úrbóta
„Síðasta orðið hefur ekki verið sagt“