Páfi biður um fyrirgefningu

Francis páfi bað guð um fyrirgefningu vegna aðkomu kaþólsku kirkjunnar að fjölda kynferðisbrotamála sem komið hafa upp á Írlandi. Hann margítrekaði ósk sína um að réttlætinu yrði framfylgt. Þetta kom fram í ræðu hans á öðrum degi opinberrar heimsóknar hans á Írlandi, en þetta er í fyrsta skipti sem páfinn heimsækir Írland í 39 ár.

Frétt af mbl.is

Hitti fórnarlömb kynferðislegrar misnotkunar

Þar sem páfi ávarpaði fólk í Knock Shrine í vesturhluta Írlands í morgun sagði hann engan ósnortinn af sögum fórnarlamba kynferðisbrotamanna innan kirkjunnar, sem hefðu verið rænd sakleysi sínu og skilin eftir með sársaukafullar minningar og opin sár. Páfi hitti í gær átta fórnarlömb kynferðisbrota, en hann sagðist fyllast viðbjóði yfir hegðun brotamanna innan kirkjunnar.

Búist er við að um 500 þúsund manns muni safnast saman í Phoenix Park í Dublin síðdegis í dag þar sem páfi mun messa, en um er að ræða lokahnykkinn í heimsókn hans.

Frétt af mbl.is

Bað páfa um að tryggja fórnarlömbum réttlæti

• Blogga um frétt