Flóttamannaaðstoð Sameinuðu þjóðanna (UNHCR ) hvatti í dag yfirvöld í Grikklandi til að flýta flutningi til meginlandsins á þeim hælisleitendum á Lesbos sem taldir eru eiga möguleika á aðstoð. Ástandið í móttökubúðunum á Lesbos, sem eru yfirfullar, sé komið að „suðupunkti“.

Gríska eyjan Lesbos, sem er skammt frá ströndum Tyrklands, hefur frá 2015 hýst skráningarmiðstöð fyrir þá hælisleitendur og flóttamenn sem eru að reyna að komast til Evrópu.

Verulega hefur dregið úr þeim fjölda flóttamanna sem reynir að komast Tyrklandsleiðina til Evrópu, en engu að síður eru um 7.000 hælisleitendur, þar af um fjórðungur á barnsaldri, í Moria-búðunum sem reistar voru fyrir 2.000 manns.

„Fjöldi þeirra sem á við geðræn vandamál að etja og aðstoðin og meðferðin sem þeim býðst er sorglega ófullnægjandi,“ sagði Charlie Yaxley hjá UNHCR á fundi með fréttamönnum.

Tengdar fréttir

Á flótta

Veitingastaður við flóttamannabúðir vekur athygli

• Tólf farendur hurfu í Ermarsundið
• Kemur ekki til greina að semja við ESB
• Telur smyglara ekkert betri en hryðjuverkamenn
• Ástralska ríkið samdi við vafasöm fyrirtæki

» Fleiri tengdar fréttir

• Blogga um frétt