Pyotr Verzilov, sem tilheyrir andspyrnuhópnum Pussy Riot, hefur verið fluttur alvarlega veikur á sjúkrahús. Ættingjar hans telja að honum hafi verið byrlað eitur. 

Í frétt BBC segir að hann hafi veikst í kjölfar réttarhalda á þriðjudag þar sem aðgerðarsinni úr Pussy Riot var fyrir dómi fyrir að hafa ruðst inn á leikvang á heimsmeistaramótinu í Rússlandi í sumar. Ekki hefur verið staðfest af opinberum yfirvöldum að Verzilov liggi á sjúkrahúsi.

Ættingi hans segir í samtali við fjölmiðla að hann hafi kvartað undan sjóntruflunum. Svo hafi honum reynst erfitt um mál og gang.

Verzilov er giftur Nadezhda Tolokonnikova sem fékk árið 2012 tveggja ára fangelsisdóm fyrir að taka þátt í gjörningi Pussy Riot í kirkju í Moskvu.

Tengdar fréttir

Pussy Riot

Íslensk liðskona Pussy Riot eftirlýst

• Liðsmenn Pussy Riot öðlast íslenskan ríkisborgararétt
• Neita að gefa upplýsingar um neyðarvegabréf
• Pussy Riot til landsins í nóvember
• Liðsmenn Pussy Riot fá hæli í Svíþjóð

» Fleiri tengdar fréttir

• Blogga um frétt