Guðmundur Ingi Guðbrandsson, umhverfis- og auðlindaráðherra, tekur í dag þátt í alþjóðlegri netráðstefnuna Global People’s Summit, sem haldin er í tengslum við Allsherjarþing Sameinuðu þjóðanna.

Guðmundur Ingi talar þar um loftslagsbreytingar, mikilvægi þess að takast á við þær og hvernig Ísland vilji skipa sér í sess með þeim ríkjum sem eru leiðandi á því sviði.  

Streymt er frá ráðstefnunni, en um er að ræða ríflega sex klukkustunda viðamikla útsendingu þar sem skipt er á milli leiðtoga, frumkvöðla og fólks um víða veröld og tekin við þau viðtöl um lausnir við margvíslegum hnattrænum málum.

The Global People’s Summit og var fyrst haldin í fyrra og náði þá til um 84 milljóna manna í 163 ríkjum, en þá tóku 60 fyrirlesarar tóku þátt, m.a. aðaltalsmanneskja Flóttamannastofnunar Sameinuðu þjóðanna, framkvæmdastjóri Alþjóðsambands Rauða krossins og Rauða hálfmánans og forsætisráðherra Úganda.

„Við erum alltaf að leita leiða til að tengja fleira fólk í heiminum starfi Sameinuðu þjóðanna og til að auka stuðning við sjálfbærnimarkmið Sameinuðu þjóðanna,“ er haft eftir sagði Maher Nasser, yfirmanni upplýsingadeildar Sameinuðu þjóðanna.

Tengdar fréttir

Loftslagsvá

„Við erum á leið til glötunar“

• Berjast áfram gegn hlýnun þrátt fyrir sigur Trumps
• Norsk losun ekki minni síðan 1990
• Norrænu ríkin verði að grípa til aðgerða
• „Víðsfjarri“ markmiðinu árið 2030

» Fleiri tengdar fréttir

• Blogga um frétt