Hið rétta nafn seinni „Salisbury-Rússans“ hefur verið kunngjört og mun vera Alexander Mishkin, samkvæmt vef BBC. Hópur rannsóknarblaðamanna komst að þessu og birti á vefsíðunni Bellingcat en blaðamennirnir segja að Mishkin, sem notaði dulnefnið Alexander Petrov, sé herlæknir og starfi fyrir rússnesku leyniþjónustuna.

Bellingcat hafði fyrir nafngreint fyrri Rússann í teyminu sem Anatoliy Chepiga, en hann og Mishkin eru, eins og frægt er orðið, taldir hafa byrlað Sergei Skripal, samlanda þeirra og fyrrverandi njósnara, og dóttur hans, banvænt eitur í bænum Salisbury á Englandi í mars. 

Frétt af mbl.is

Bar kennsl á árásarmanninn

Frekari upplýsinga að vænta

Talið er að Mishkin hafi verið tekinn inn í rússnesku leyniþjónustuna þegar hann var að klára læknanám sitt. Þá á hann að hafa farið í nokkrar ferðir til Úkraínu, m.a. þegar Rússar hertóku Krímskaga árið 2013. 

Frekari upplýsingar um hvernig rannsóknarblaðamannahópnum tókst að komast að hinu rétta auðkenni Mishkins verða opinberaðar á morgun. 

Tengdar fréttir

Eitrað fyrir Skripal

Grunaðir í Skripal-máli sakaðir um þátt í sprengingu

• Gagnrýnandi Pútíns kyrktur
• Boris varar Pútín við
• Ræðir Skripal-málið við Pútín
• Mikil umferð um sendiráðið fyrir tilræðið

» Fleiri tengdar fréttir

• Blogga um frétt