Don­ald Trump Banda­ríkja­for­seti varaði í dag stjórn­völd í Hond­úras við því að ríkið verði af millj­ón­um doll­ara fjár­hagsaðstoð hindri þau ekki 2.000 manna bíla­lest hæl­is­leit­enda frá því að kom­ast til Banda­ríkj­anna og leita þar hæl­is.

Hóp­ur­inn er að reyna að sleppa úr fá­tækt og of­beldi í heima­land­inu og halda norður eft­ir í gegn­um Gvatemala og Mexí­kó í átt að landa­mær­um Banda­ríkj­anna.

Eitt af helstu bar­áttu­mál­um Trumps í for­setatíð hans hef­ur verið að fækka ólög­leg­um inn­flytj­end­um í Banda­ríkj­un­um. Sagði for­set­inn á Twitter í dag að bund­inn yrði end­ir á fjár­hagsaðstoð Banda­ríkj­anna til Hond­úras, en hún átti að nema tæp­um 66 millj­ón­um doll­ara á næsta ári.

„Banda­rík­in hafa til­kynnt for­seta Hond­úras að ef að bíla­lest­in stóra sem er á leið til Banda­ríkj­anna verði ekki stöðvuð og henni snúið aft­ur til Hond­úras þá hætt­um við sam­stund­is að gefa meiri pen­ing eða aðstoð!“ sagði í færsl­unni.

 AFP-frétta­stof­an seg­ir ólík­legt að bíla­lest­in nái tak­marki sínu, en yf­ir­völd í Gvatemala hafa þegar til­kynnt að þau muni stöðva för henn­ar. Sagði í yf­ir­lýs­ingu stjórn­valda þar í landi að „hóp­um fólks án réttr­ar vega­bréfs­árit­un­ar“ yrði vísað frá.

Tengd­ar frétt­ir

Don­ald Trump Banda­ríkja­for­seti

„For­dæma­laus“ heim­sókn

• Vara­for­set­inn ætl­ar með í heim­sókn til Græn­lands
• Trump: Minni­hátt­ar feill
• „Þið hljótið að vera að grín­ast í mér“
• Seg­ir yf­ir­vof­andi heim­sókn af vina­leg­um toga

» Fleiri tengd­ar frétt­ir

Hæl­is­leit­end­ur og landa­mæri Banda­ríkj­anna

Lést í varðhaldi 40 árum eft­ir kom­una

• Ætla að safna DNA-sýn­um úr öll­um hæl­is­leit­end­um
• 15 stunda vinnu­dag­ar hjá út­lend­inga­stofn­un
• Vistaður í inn­flytj­enda­búðum fyr­ir mis­tök
• Gera grín að dauða flótta­fólks

» Fleiri tengd­ar frétt­ir

• Blogga um frétt