Full vinna í gangi við að stöðva hópinn
Donald Trump Bandaríkjaforseti tjáði sig um málið á Twitter, eins og svo oft áður.
AFP
Setja bókamerki
Donald Trump Bandaríkjaforseti sagði í dag „fulla vinnu“ vera í gangi við að stöðva þúsundir hælisleitenda frá Hondúras sem nú eru á leið til Bandaríkjanna.
Hópurinn, sem tæplega 3.000 Hondúrasbúa eru í, hélt ferð sinni áfram í dag eftir að óeirðalögreglan náði að stöðva för hans í gær við landamæri Gvatemala og Mexíkó.
„Full vinna er í gangi við að stöðva áhlaup ólöglegra innflytjenda við að komast yfir suðurlandamæri okkar,“ sagði Trump á Twitter.
„Fólkið verður fyrst að sækja um hæli í Mexíkó og ef það gerir það ekki munu Bandaríkin vísa því á brott. Dómstólar eru að biðja Bandaríkin um hið ómögulega!“ Sagði Trump því næst fólksstrauminn vera Demókrataflokknum til skammar og að breyta þurfi innflytjendalöggjöfinni strax.
Íslensk kona handtekin á Tenerife eftir líkamsárás
„Við vöknuðum við hljóð frá sprengingum“
Auka aðgengi að Grindavík
Létu lofthræðsluna ekki á sig fá
Fæðuöryggi: „Áttum mat í þrjár vikur“
Vinna hefst í dag við að reisa undirstöður