Íhuga að afmá skilgreiningu á transfólki
Setja bókamerki
Tengdar fréttir
Réttindabarátta hinsegin fólks
Ríkisstjórn Donalds Trump, forseta Bandaríkjanna, hefur til skoðunar að þrengja skilgreiningu á kyni einstaklinga. Endurskilgreiningin felst í því að Bandaríkjamenn geti einungis skilgreint sig sem karl eða konu í samræmi við líffræðilegt kyn þeirra við fæðingu.
Þetta kemur fram í minnisblaði frá heilbrigðisráðuneyti Bandaríkjanna sem New York Times hefur undir höndum.
Verði breytingin að lögum yrði það stórfelld stefnubreyting frá forsetatíð Barack Obama þegar réttindi fólks sem skilgreina sig sem annað en sitt líffræðilega kyn, svo sem transfólk, voru aukin til muna. Talið er að um það bil eins og hálf milljón Bandaríkjamanna skilgreini sig sem annað kyn en líffræðilegt kyn þeirra segir til um eða kýs að skilgreina sig utan kynjatvíhyggjunnar.
Minnisblaðið var skrifað í vor og þar er kyn skilgreint sem „óbreytt ástand einstaklings sem karls eða konu sem byggist á óumbreytanlegum líffræðilegum eiginleikum, greinanlegum fyrir eða við fæðingu.“ Með breytingunni getur transfólk því ekki skilgreint kyn sitt líkt og það óskar.
Áform ríkisstjórnarinnar hafa vakið hörð viðbrögð, ekki síst hjá transfólki í Hollwood og stjórnmálamönnum sem hafa barist fyrir réttindum þess. Þá kom fólk saman í nafni LGBTQI+ samtakanna í Washington Sqaure Park í New York í gær og mótmælti fyrirætlunum ríkisstjórnarinnar.
„Grimmd og fordómar þessarar ríkisstjórnar hefur engin mörk. Við ættum að gera allt sem í okkar valdi stendur til að vernda trans bræður okkar og systur,“ segir í færslu Bernie Sanders.
Tengdar fréttir
Réttindabarátta hinsegin fólks
Einar skorar á næstu ríkisstjórn
Sáu eldgosið brjótast út frá Snæfellsnesi
Á algjöru frumstigi eftir þrjár vikur af verkfalli
Átti ekki að láta pirring bitna á sjúklingi
Mjög alvarlegt ef Njarðvíkuræð gefur sig
Hraun fór yfir Grindavíkurveg
Beint: Eldgos hafið við Stóra-Skógfell
Mæðgur dæmdar til að greiða 64 milljónir