Nokkrir látnir eftir skotárás

Að minnsta kosti fjórir eru látnir, samkvæmt AFP-fréttaveitunni, eftir að byssumaður hóf skothríð í bænahúsi gyðinga í Pittsburgh í Bandaríkjunum fyrr í dag. Maðurinn var handtekinn eftir skotbardaga við lögreglu, þar sem þrír lögregluþjónar urðu fyrir skoti.

Guðsþjón­usta var í gangi þegar árás­in var gerð. Talsmaður lögreglunnar í Pittsburgh staðfestir að nokkrir hafi látist í árásinni.

Frétt af mbl.is

Skotárás í bænahúsi gyðinga

Donald Trump Bandaríkjaforseti sagði í kjölfar árásarinnar að hann fordæmdi „hatur“ í Bandaríkjunum. Hann sagði enn fremur að árásarmaðurinn ætti dauðarefsingu skilið.

Íbúar í nágrenninu ræða við fjölmiðla. AFP

Kona sagði í samtali við CNN að dóttir hennar hefði verið ein þeirra sem hlupu niður í kjallara byggingarinnar þegar þau heyrðu fyrstu skotin.

„Þau eru óhult en þau heyrðu skothríðina og allt annað sem gekk á,“ sagði konan.

Samkvæmt frétt AFP er ástæða árásarinnar óljós. Þó hefur árásum á gyðinga og hatursglæpum farið fjölgandi í Bandaríkjunum undanfarin ár.

• Blogga um frétt