Asia Bibi laus úr fangelsi
Setja bókamerki
Asia Bibi, pakistönsk kona sem er kristinnar trúar, er laus úr fangelsi. Hæstiréttur Pakistans sneri í síðustu viku við dómi undirréttar en hún hafði verið sakfelld fyrir guðlast. Bibi hafði verið í átta ár í fangelsi á dauðadeild.
„Mér hefur verið sagt að hún sé um borð í flugvél en enginn veit hvar hún lendir,“ kom fram í skriflegu svari Saif Mulook, lögmanns Bibi, við fyrirspurn AFP-fréttastofunnar.
Eiginmaður Bibi, Asiq Masih, hefur sótt um hæli í Bretland eða Bandaríkjunum en lögmaður hennar er flúinn til Hollands.
Bibi var sett í farbann eftir að hæstiréttur sneri við dómnum en það var tilraun til að reyna að binda enda á mótmæli harðlínumanna í landinu. Þeir litu hins vegar á farbannið sem leyfi til að taka hana af lífi án dóms og laga.
Bibi tilheyrir minnihlutahópi kristinna í Pakistan og var ákærð og dæmd fyrir guðlast árið 2010 eftir að hafa lent í rifrildi vegna vatnsskálar. Múslimskar samstarfskonur hennar neituðu að leyfa henni að snerta skál með vatni vegna trúar hennar og tilkynntu hana skömmu síðar til klerksins í bænum og sökuðu hana um guðlast gegn Múhameð spámanni.
Dómur þyngdur um þrjú ár
„Höfum sloppið bærilega með skaða af þessu gosi“
Pútín reynir allt til að forðast aðra herkvaðningu
Dregið úr gosóróa
Viðræður ekkert þokast frá því á þriðjudag
/frimg/1/53/17/1531723.jpg)
Kálfur kom í heiminn á miðjum kosningafundi
Vika í kosningar: Þetta segja kannanir