Talið að ellefu hafi látist í eldunum
Setja bókamerki
Talið er að 11 manns hið minnsta hafi látist í stórum skógareldum sem nú geisa í Kaliforníuríki, bæði í suður- og norðurhluta ríkisins. Tugþúsundir hafa misst heimili sín og yfir 250.000 manns hafa neyðst til þess að yfirgefa þau.
Í norðurhluta ríkisins hefur verið staðfest að níu manns hafi orðið Camp-eldinum svokallaða að bráð í bænum Paradise, sem brann til grunna aðfaranótt föstudags. Bærinn er norðan við borgina Sacramento. Þar er 35 til viðbótar einnig saknað og óttast er um afdrif þeirra.
Fimm þeirra sem létust hafa fundist í eða við bifreiðar sínar, á flótta út úr bænum. Fjórir til viðbótar fundust látnir í húsum eða nærri húsum í bænum.
Ótrúleg myndskeið hafa verið birt á samfélagsmiðlum og í fréttatímum, sem sýna fólk keyra burt frá brennandi bænum í miklu snarhasti. Við vegina út úr bænum má nú sjá fjölmarga yfirgefna bíla, sem brunnið hafa til kaldra kola eftir að ökumenn og farþegar lögðu hlaupandi á flótta undan eldinum.
CNN greinir frá því í dag veðurfræðingar vestanhafs telji að útlit sé fyrir það að áframhaldandi þurrkur og öflugir vindar muni verða til þess að eldarnir breiðist áfram út af nokkrum krafti, jafnvel í heila viku.
Woolsey-eldurinn svokallaði í suðurhluta ríkisins, nærri Los Angeles, hefur tvöfaldast að stærð síðan í gær og talið er að tveir hafi látist vegna eldanna í grennd við Malibu. Þar er einnig annar eldur, Hill-eldurinn, sem er mun minni, en hefur þó vaxið töluvert frá því í gær.
„Umfang eyðileggingarinnar vegna eldanna er ótrúlegt og átakanlegt,“ segir Mark Ghilarducci, talsmaður skrifstofu ríkisstjórans í Kaliforníu.
Ekki vandamál að vera karlmaður
Rússar sagðir útvega N-Kóreu milljón olíutunnur
/frimg/1/53/8/1530844.jpg)
Myndir: Náttúrulegur þröskuldur að taka við
Sjötti ferðamaðurinn er látinn
Yfir 300 stæði fóru undir hraun
Hótar Bretum og Bandaríkjamönnum
Reiðubúin að aflýsa verkföllum í fjórum leikskólum
„Höfum sloppið bærilega með skaða af þessu gosi“
