Trump afboðaði sig vegna veðurs
Setja bókamerki
Donald Trump Bandaríkjaforseti hefur í dag sætt gagnrýni fyrir að hafa afboðað komu sína til minningarathafnar um fallna bandaríska hermenn í fyrri heimsstyrjöld sem fram fór í Ains-Marne-kirkjugarðinum í Frakklandi í dag. Uppgefin ástæða var rigningarveður sem verið hefur á svæðinu.
Trump sendi John Kelly, starfsmannastjóra Hvíta hússins, í sinn stað, en ákvörðun hans hefur verið gagnrýnd og hún sögð vanvirðing við hina föllnu hermenn.
Meðal þeirra sem gagnrýnt hafa forsetann er Nicholas Soames, þingmaður Breska íhaldsflokksins og barnabarn Winston Churchill, fyrrverandi forsætisráðherra Bretlands. „Þeir [hermennirnir] létu lífið í viðureign við óvin sinn og hinn aumkunarverði Donald Trump gat ekki einu sinni mætt veðrinu til að votta þeim virðingu sína,“ ritaði hann á Twitter í dag.
Trump var einnig borinn saman við forvera sinn í embætti, Barack Obama. „Ólíkt Trump, þá stöðvaði rigningarúði aldrei Obama forseta í því að heiðra fallmar stríðshetjur,“ ritaði Adam Blickstein, fyrrverandi yfirmaður í varnarmálaráðuneyti Bandaríkjanna, á Twitter.
Trump mun á morgun heimsækja kirkjugarð í einu úthverfa Parísar, Suresnes. Þar munu 70 þjóðarleiðtogar koma saman við Grafhýsi hins óþekkta hermanns.
Kristín kjörin nýr umboðsmaður Alþingis
Sanna borgarfulltrúi vill á þing
„Síðasta orðið hefur ekki verið sagt“
Miður hve langan tíma rannsóknin tók
Landsréttur sýknar SKE af kröfu Samskipa
Tókst ekki að sanna orsakasambandið
Hefja formlegt söluferli á Olíudreifingu