Íbúðamiðlunin Airbnb hefur ákveðið að fjarlægja íbúðir sem skráðar eru í landnemabyggðum Ísraela á Vesturbakkanum, af vefsíðu sinni. Samkvæmt upplýsingum frá Airbnb var ákvörðunin tekin vegna þess að svæðið sé miðpunktur átaka á milli Ísrael og Palestínu. BBC  greinir frá.

Palestínumenn hafa tekið ákvörðun Airbnb vel en Ísraelsbúar segja hana skammarlega og hafa hótað lögsóknum.

Stjórnendur Airbnb hafa lengi verið gagnrýndir fyrir að leyfa útleigu á íbúðum á nýlendum Ísraela á svæðinu, sem eru ólöglegar samkvæmt alþjóðalögum. Í yfirlýsingu frá fyrirtækinu segir að bandarísk lög segi til um að fyrirtæki líkt og Airbnb megi stunda viðskipti á svæðinu, en að alþjóðasamtök séu á móti því að fyrirtæki græði á svæði þar sem fólk hefur verið sent á landflótta.

Vesturbakkinn er staðsettur vestur af Jórdan-fljóti og var áður stjórnað af heimastjórn Palestínu, en Ísraelsher hefur að hluta tekið völd á svæðinu.

Mannréttindasamtök hafa hrósað Airbnb og hvatt önnur alþjóðleg fyrirtæki til að hætta viðskiptum á svæðinu.

Tengdar fréttir

Ísrael/Palestína

Á sjötta tug látnir eftir loftárásir Ísraela

• Erdogan fagnar handtökuskipuninni
• 281 hjálparstarfsmaður drepinn á árinu
• Segjast hafa drepið fimm vígamenn
• Sakar dómstólinn um gyðingahatur

» Fleiri tengdar fréttir

Airbnb og heimagisting

Grunur um stórfelld skattalagabrot

• Dagur fagnar dómi Landsréttar
• Baráttan við himinháa leigu
• Eftirlit með heimagistingu hert
• Allt að 70% íbúða á Airbnb

» Fleiri tengdar fréttir

• Blogga um frétt