Á þeim klukkustundum áður en blaðamaðurinn Jamal Khashoggi var myrtur sendi krónprins Sádi-Arabíu að minnsta kosti 11 skilaboð til nánasta ráðgjafa síns, sem hefur verið ákærður fyrir að hafa skipulagt morðið.

Blaðið Wall Street Journal greindi frá þessu og vitnaði í bandarísku leyniþjónustuna, CIA.

Krónprinsinn, Mohammed bin Salman, sagði samstarfsmönnum sínum einnig frá því í ágúst í fyrra að ef honum mistækist að fá Khashoggi til að snúa heim til Sádi-Arabíu „gætum við mögulega lokkað hann út fyrir Sádi-Arabíu og gert ráðstafanir“.

Að sögn bandarísku leyniþjónustunnar „virðist þetta gefa fyrirheit um aðgerð Sádi-Arabíu gagnavart Khashoggi“.

CIA hefur áður komist að þeirri niðurstöðu að krónprinsinn hafi fyrirskipað morðið. Hann hefur ekki enn verið látinn svara til saka vegna málsins. 

Tengdar fréttir

Morðið á Jamal Khashoggi

Krónprinsinn fær friðhelgi í Bandaríkjunum

• Biden skiptir um skoðun á Sádum
• Hendur Bidens „ataðar í blóði“
• Unnusta Khashoggis ætlar að áfrýja
• Segja Frakka hafa farið í mannavillt í handtöku

» Fleiri tengdar fréttir

• Blogga um frétt