Fjórða fórnarlambið látið
Setja bókamerki
Tala látinna eftir skotárás á jólamarkaði í Strassborg á þriðjudag er komin upp í fjóra, en fjórða fórnarlambið lést af sárum sínum í dag. Tólf til viðbótar særðust í árásinni, að minnsta kosti einn mjög alvarlega. Fjögur fórnarlamabanna eru enn á sjúkrahúsi. BBC greinir frá.
Árásarmaðurinn, Cherif Chekatt, var felldur af lögreglu í gær en hann hafði verið á flótta frá því hann framdi ódæðisverkið.
Franska lögreglan hefur handtekið foreldra og tvo bræður hans, en alls hafa fimm manns verið handteknir í tengslum við árásina. Sá fimmti er ekki skyldur árásarmanninum.
Innanríkisráðherra Frakklands, Christophe Castaner, opnaði jólamarkaðinn aftur í dag, en Emanual Macron, forseti Frakklands, er einnig væntanlegur til Strassborgar.
Chekatt, sem var 29 ára, hafði ítrekað verið dæmdur fyrir glæpi og segja fjölmiðlar að hann hafi öfgavæðst innan veggja fangelsisins.
Oddviti Suðurkjördæmis aldrei búið í Suðurkjördæmi
Til greina kemur að flýta flokksþingi
Myndskeið: „Engin leið“ að ná tökum á eldunum
Missti heimilið í þriðja sinn í eldsvoða
Hvarf úr sjónsviði í 2-3 sekúndur fyrir slysið
Engar vísbendingar um að kvika sé á leiðinni upp
„Aldrei verið svona hrædd“