Foreldrar og tveir bræður  Cherif Chekatt, sem gerði árás á jólamarkað í Strassborg á þriðjudag, voru í dag látin laus úr haldi lögreglu. AFP-fréttaveitan hefur þetta eftir embætti saksóknara í París, en fjölskyldan var handtekin í tengslum við rannsókn lögreglu. Þrír til viðbótar, sem voru nánir Chekatt, eru hins vegar enn í haldi.

Chekatt, sem varð fjórum að bana og særði 12 til viðbótar í skotárás á markaðinn, féll fyrir skotum lögreglu í gær eftir umfangsmikla leit að honum dagana á undan

Rúmlega 700 lögreglumenn tóku þátt í leitinni, sem lögregla hefur rannsakað sem hryðjuverk.

Innanríkisráðherra Frakklands hefur hins vegar alfarið hafnað fullyrðingum vígasamtakanna Ríkis íslams um að þau beri ábyrgð á árásinni.

Segir AFP rannsókn lögreglu beinast að því hvort að hann hafi notið aðstoðar við árásina eða á flótta sínum.

Tengdar fréttir

Skotárás í Strassborg

Hrottaleg árás í frönsku fangelsi

• Lýsti yfir stuðningi við Ríki íslams
• Fimmta fórnarlambið látið
• Fjórða fórnarlambið látið
• Náðum markmiðum okkar að fullu

» Fleiri tengdar fréttir

• Blogga um frétt