Íhuga að skjóta niður drónana

Lögreglan í Sussex kannar nú möguleika á því að skjóta niður dróna sem hefur ógnað og truflað flugumferð á Gatwick-flugvelli í meira en sólarhring. Lögreglustjórinn í Sussex, Jason Tingley, segir í samtali við BBC að fljótlega eftir að fregnir af drónunum tveimur bárust kom til greina að skjóta hann niður en engin ákvörðun hefur verið tekin enn. 

Frétt af mbl.is

Lögregla leitar stjórnanda drónanna

Breski herinn er í viðbragðsstöðu vegna ástandsins á flugvellinum en honum var lokað klukk­an níu í gær­kvöldi eft­ir að sást til tveggja dróna á svæðinu, en bresk lög banna að drón­ar séu á ferð inn­an eins kíló­metra frá flug­völl­um lands­ins.

Um 110.000 farþegar áttu að fljúga með 760 flug­vél­um um Gatwick í dag.

Enginn hefur verið handtekinn vegna málsins og verður flugvöllurinn áfram lokaður í óákveðinn tíma, samkvæmt upplýsingum frá lögregluyfirvöldum. 

Um 110.000 farþegar áttu að fljúga með 760 flug­vél­um um Gatwick í dag. AFP

• Blogga um frétt