Sex létust í járnbrautarslysi í Danmörku í morgun og sextán slösuðust, enginn lífshættulega. Slysið varð klukkan 7:35 að staðartíma í morgun á Stórabeltisbrúnni sem tengir Sjáland og Fjón. Danska ríkisútvarpið greinir frá. 

Frétt af mbl.is

Mannskætt lestarslys á Stórabeltisbrúnni

Slysið varð með þeim hætti að farþegalest á leið til Kaupmannahafnar mætti flutningalest sem var að flytja bjór. Mjög hvasst var á svæðinu en stormurinn Alfrida gengur þessa stundina yfir Danmörku og Svíþjóð. Þegar lestirnar mættust fauk yfirbreiðsla eða hlutar af þaki og hliðum vagna úr flutningalestinni og lentu á farþegalestinni þannig að hún varð að nauðhemla.

131 farþegi var í lestinni og þrír starfsmenn. Farþegarnir sem ekki slösuðust voru fluttir í fjöldahjálparstöð sem opnuð var í íþróttahúsi í Nyborg á Fjóni.

Brúnni var lokað í nótt vegna veðurs en hún hafði nýlega verið opnuð þegar slysið átti sér stað. Brúnni var lokað vegna slyssins en opnað hefur verið fyrir bílaumferð á brúnni á ný.

Slysið varð með þeim hætti að farþegarlest á leið til Kaupmannahafnar mætti flutningalest sem var að flytja bjór. AFP

Tengdar fréttir

Lestarslys á Stórabeltisbrúnni

Bilun í lás mögulega orsök slyssins

• Búið að bera kennsl á hin látnu
• Stöðva bjórflutninga með lestum
• Átta fórust í lestarslysinu
• Sektuðu fyrir stopp á slysstað

» Fleiri tengdar fréttir

• Blogga um frétt