Fjórtán hafa verið ákærðir fyrir aðild að hryðjuverkaárásum í París og nágrenni  í janúar 2015. 11 þeirra eru í haldi en þrír eru eftirlýstir af lögreglu. 

Árásirnar eru þrjár, sú fyrsta var gerð á ritstjórnarskrifstofu ádeiluritsins Charlie Hebdo 7. janúar. Árás sem kostaði tólf manns lífið og ellefu særðust. Í kjölfarið fylgdu fleiri árásir, lögreglukona var skotin til bana daginn eftir og fjórir voru skotnir til bana í verslun gyðinga.

AFP

Bræðurnir Saïd og Chérif Kouachi ruddust inn á skrifstofur Charlie Hebdo vopnaðir rifflum og fleiri vopnum. Næstu tvo daga ríkti skelfingarástand í París og nágrenni en meðal annars var gíslataka í Hypercacher-matvöruverslun í Porte de Vincennes þar sem Amedy Coulibaly hélt 19 í gíslingu og drap fjóra þeirra.

Í kjölfarið var viðbúnaðarstigið hækkað í Frakklandi og hermenn sendir út á götur borga og bæja í Île-de-France og Picardy. Kouachi-bræðurnir tóku fólk í gíslingu í verksmiðju í Dammartin-en-Goële en voru skotnir til bana 9. janúar.

Allir vígamennirnir voru skotnir til bana en þeir sem nú eru ákærðir eru sakaðir um að samsæri með því að hafa aðstoðað vígamennina. Þar á meðal útvegað þeim vopn.

AFP

Tengdar fréttir

Hryðjuverk í París

Fresta hryðjuverkaréttarhöldum vegna glerkassa

• Sakfelldir fyrir að stela listaverki eftir Banksy
• Veiran frestar réttarhöldum í hryðjuverkamáli
• Tuttugu fyrir rétt vegna hryðjuverka í París
• Grunaður um aðild að árásum í París

» Fleiri tengdar fréttir

• Blogga um frétt