Fríverslun milli Ísraels og Úkraínu

Benjamin Netanyahu, forsætisráðherra Ísraels, og Petro Poroshenko Úkraínuforseti tilkynntu í dag að löndin tvö hefðu gert með sér fríverslunarsamning. 

„Í dag undirrituðum við fríverslunarsamning sem við höfum unnið að í mörg ár,“ sagði Netanyahu á blaðamannafundi í Jerúsalem. 

Poroshenko sagði að um „sögulegan dag“ væri að ræða. Fyrr í dag heimsótti Úkraínuforseti Yad Vachem-minningarsetrið um helförina og fundaði með Reuven Rivlin, forseta Ísraels.

• Blogga um frétt