Bilun í lás á einum flutningavagnanna kann að reynast ástæða þess að vagnarnir fóru út af sporinu og ollu mannskæðu lestaslysi á Stórabeltisbrúnni í upphafi þessa árs.

Átta manns létust í slysinu og 16 slösuðust, en rúmlega 130 manns voru um borð í lestinni.

Danska dagblaðið Berlingske tidende greinir frá því að rannsóknarnefnd samgönguslysa í Danmörku hafi fundið vísbendingar sem benda til þess að einn lásanna kunni að hafa verið bilaður. Lásarnir eiga að halda lestarvögnunum föstum, en svo virðist vera sem lásinn sem halda átti þessum vöruflutningavagni, hafi ekki virkað sem skyldi.

„Þetta er niðurstaða frumrannsóknar á vöruflutningavögnunum,“ skrifar Berlingske. Grunur hafi leikið á að lásabúnaðurinn væri gallaður og rannsókn nefndarinnar bendi til þess að svo hafi verið.

„Þetta þýðir þó ekki endilega að læsingin hafi valdið slysinu,“ hefur blaðið eftir Bo Haaning, sem leiðir rannsókn nefndarinnar. „Þetta þýðir að við höfum fundið eitthvað sem gæti verið öryggisgalli.“

Tengdar fréttir

Lestarslys á Stórabeltisbrúnni

Búið að bera kennsl á hin látnu

• Stöðva bjórflutninga með lestum
• Átta fórust í lestarslysinu
• Sektuðu fyrir stopp á slysstað
• Hafa ekki borið kennsl á þá látnu

» Fleiri tengdar fréttir

• Blogga um frétt