Trump og Kim hittast í Hanoi
Setja bókamerki
Donald Trump, forseti Bandaríkjanna og Kim Jong-un, leiðtogi Norður-Kóreu, munu koma saman til fundar í Hanoi í Víetnam, 27. og 28. febrúar næstkomandi.
Trump greindi frá fundinum í stefnuræðu sinni fyrr í vikunni en í gærkvöldi greindi Trump frá því á Twitter að leiðtogarnir muni hittast í Hanoi, höfuðborg Víetnam. Í færslunni segir Trump að hann hlakki til að hitta Kim og ræða við hann um frið.
Trump og Kim áttu sögulegan fund í júní á síðasta ári, en það var upphafið að því ferli að afkjarnorkuvæða Kóreuskagann og verður ferlið umræðuefni fundarins í lok mánaðar. Undirbúningur fyrir fundinn er í fullum gangi og mun Stephen Biegun, erindreki Bandaríkjanna í málefnum Norður-Kóreu, hitta hátt setta embættismenn í Pyongyang fyrir fundinn.
Kim Jong-un hefur enn sem komið er ekki tjáð sig um fundinn fyrirhugaða.
Fæðuöryggi: „Áttum mat í þrjár vikur“
Íslensk kona handtekin á Tenerife eftir líkamsárás
Vonir bundnar við morgundaginn
Dæla, kæla og verja mikilvæg mannvirki
Hvatti kjósendur til þess að greiða ógild atkvæði
Börnin eiga að ýta við foreldrum sínum
Ekki hægt að slá gosið út af borðinu strax