Miðnefnd Samtaka hernaðarandstæðinga fordæmir þá ákvörðun ríkja í Norður-Ameríku og Evrópu að viðurkenna ekki umboð ríkisstjórnar Venesúela. Hún lýsir yfir sérstökum vonbrigðum með afstöðu íslenskra stjórnvalda og varar við hernaðaríhlutun í landinu. Þetta kemur fram í ályktun á vef Samtaka hernaðarandstæðinga.

„Íhlutunarstefnan byggir eingöngu á nýlenduhugsunarhætti og hugmyndinni um rétt hins sterka til að skipta sér af veikari ríkjum. Sú stefna birtist til að mynda í grimmilegum viðskiptaþvingunum, líkt og lagðar hafa verið á Venesúela. Fyrir smáþjóð eins og Íslendinga er lykilatriði að hnefarétturinn verði ekki ríkjandi viðmið í alþjóðastjórnmálum,“ segir í ályktun miðnefndar samtakanna.

Frétt af mbl.is

Íslensk stjórnvöld styðja Guaidó

Einnig segir miðnefndin það „mjög varasamt að utanríkisstefna landsins sé mótuð með gaspri á samfélagsmiðlum eins og Twitter“ og vísar þar væntanlega til Twitter-færslu Guðlaugs Þórs Þórðarsonar utanríkisráðhera, sem hann setti inn skömmu eftir að hann lýsti afstöðu íslenskra stjórnvalda í samtali við mbl.is.

Tengdar fréttir

Venesúela

Evrópuráðið heiðraði Machado

• Stjórnarandstæðingurinn flúinn til Spánar
• Maduro ekki réttur sigurvegari að sögn Blinken
• Í felum og óttast um líf sitt
• Íbúar Venesúela flýja til Kólumbíu

» Fleiri tengdar fréttir

• Blogga um frétt