Begum búin að fæða barnið
Setja bókamerki
Tengdar fréttir
Ríki íslams
Shamima Begum, sem flúði er hún var 15 ára frá Bretlandi til Sýrlands til að ganga til liðs við vígasamtökin Ríki íslams, hefur nú fætt barn í flóttamannabúðum í Sýrlandi. Breska dagblaðið Times ræddi við Begum fyrr í vikunni og lýsti hún þá yfir áhuga á að fá að snúa aftur til Bretlands. Hún var þá ólétt af sínu þriðja barni, en hin tvö börn hennar létust á undanförnum fjórum mánuðum.
BBC segir fjölskyldu Begum nú hafa greint frá því að barnið sé fætt. Í yfirlýsingu frá lögfræðingi fjölskyldunnar segir að Begum og barninu, sem er drengur, heilsist báðum vel.
Times fann Begum, sem er 19 ára í dag, í flóttamannabúðunum í Sýrlandi í síðustu viku en hún hafði þá flúið frá síðasta höfuðvígi Ríkis íslams í austurhluta Sýrlands.
„Það ættu margir að hafa samúð með mér,“ sagði Begum í viðtali við Sky-sjónvarpsstöðina. „Ég vissi ekki hvað ég var að fara út í þegar ég fór.“
Sér ekki eftir að hafa farið til Sýrlands
/frimg/7/97/797844.jpg)
Hún kveðst á vissan hátt hafa gert mistök með því að fara til Sýrlands. „Ég sé þó ekki eftir því af því að þetta hefur breytt mér sem manneskju og gert mig sterkari og þrautseigari,“ sagði Begum.
„Ég átti alveg góðar stundir þar. Það er bara, að þetta varð svo erfiðara og erfiðara og þá gat ég þetta ekki lengur.“
Fjölskylda Begum hefur biðlað til breskra stjórnvalda að hún fái að snúa aftur heim hið fyrsta og vísar þar einkum til barnsins sem þá var ófætt. Barnið sé „algjörlega saklaust“ og eigi rétt á að vaxa úr grasi í „friði og öryggi“ í Bretlandi.
Sjálf sagði Begum í viðtali við Times að hún óttaðist að barnið yrði tekið frá sér, sneri hún aftur til Bretlands. Ég vil ekki að það verði tekið frá mér, eða að minnsta kost ef það gerist að það fari þá til fjölskyldu minnar,“ sagði hún.
BBC hefur eftir David Gauke, dómsmálaráðherra Bretlands, að öryggi landsins stafi ógn af því að hleypa fólki eins og Begum aftur til Bretlands. Hann útiloki þó ekki að það verði gert og segir hvert mál metið sérstaklega.
Áður hefur Sajid Javid, innanríkisráðherra Bretlands, sagt Begum kunna að eiga ákærur yfir höfði sér snúi hún aftur heim.
Tengdar fréttir
Ríki íslams
Ók í gegnum rúðu og reyndi að nema banka á brott
Rúta með yfir 20 farþegum fór út af vegi
„Þetta mun allt enda með ósköpum“
Skiptar skoðanir um frestun landsfundar
Heitar sturtur skaðlegar: Mælt með moðvolgu vatni
Úkraínumenn handtóku norðurkóreskan hermann
Fór 300 ferðir upp Esjuna á árinu
