Nicolas Maduro, forseti Venesúela, hefur tilkynnt að hann ætli að loka landamærum landsins að Brasilíu í kvöld. Þetta tilkynnti Maduro í sjónvarpsútsendingu fyrir skömmu, en þar sagði hann að einnig væri til skoðunar að loka landamærunum að Kólumbíu.
Maduro þvertekur fyrir að neyðarástand ríki í landinu og segir neyðaraðstoð sem Bandaríkin stýra sýndarmennsku.
Juan Guaido, þingforseti Venesúela sem lýst hefur sjálfan sig starfandi forseta landsins, er hins vegar á leiðinni til landamæra Kólumbíu til þess að tryggja að hjálpargögnum verði komið til þeirra sem á þurfa að halda, en herinn hefur hingað til reynt að koma í veg fyrir flutning hjálpargagna yfir landamærin samkvæmt skipun Maduro.