Framsalsferli Meng Wanzhou hafið

Kanadísk yfirvöld hófu í dag ferli sem miðar að framsali Meng Wanzhou, fjármálastjóra hjá kínverska fyrirtækinu Huawei, til Bandaríkjanna. Meng var handtekin í Kanada í desember, í máli sem hefur valdið spennu í samskiptum Kanada og Bandaríkjanna annars vegar og Kína hins vegar.

Ákæra á hendur henni og tæknirisanum Huawei í þrettán liðum hefur verið gefin út af bandarískum yfirvöldum, fyr­ir glæpi á borð við pen­ingaþvætti, banka­svik og fyr­ir stuld á viðskipta­leynd­ar­mál­um. For­svars­menn Huawei neita því hins veg­ar að fyr­ir­tækið hafi gerst sekt um eitt­hvað slíkt.

Frétt af mbl.is

Gefa út ákæru á hendur Huawei

Fram kemur í frétt AFP að framsalsferlið í Kanada gæti tekið mánuði, jafnvel ár, en stjórnvöld í Bandaríkjunum hafa krafist þess að fá Meng framselda eins fljótt og auðið er.

Meng er ekki í haldi kanadískra yfirvalda, heldur laus gegn tryggingu. Hún er ekki einungis einn hæstsetti starfsmaður kínverska tæknifyrirtækisins, heldur einnig dóttir stofnanda þess, Ren Zhengfei.

Frétt af mbl.is

Bandaríkin geta ekki brotið okkur

• Blogga um frétt