Þetta var í annað sinn sem Trump og Kim funduðu en fyrra skiptið var í Singapúr fyrir um átta mánuðum síðan. Fyrir fundinn var Trump bjartsýnn á að árangurinn yrði jefnvel betri en af þeim fundi. Ráðamenn í Bandaríkjunum og Norður-Kóreu hafa vísað hvorir á aðra spurðir að því hvers vegna fundurinn fyrir helgi hafi ekki skilað árangri.

Trump hefur sagt að ráðamenn í Norður-Kóreu vildu að allar viðskiptaþvinganir gegn landinu yrðu afnumdar sem væri ekki hægt að fallast á, en norðurkóresk stjórnvöld segja að aðeins hafi verið óskað eftir því að slaka yrði á sumum þvingununum. Á móti yrði öllum kjarnorkutilraunum í Yongbyon hætt. Það væri besta og síðasta boð þeirra.

Þrátt fyrir þetta segja ríkisfjölmiðlar Norður-Kóreu að fundurinn hafi verið árangursríkur og að Kim hafi heitið Trump því að hitta hann aftur við annað tækifæri.