Munu þurfa vegabréfsáritun fyrir Evrópuferðir

Bandaríkjamenn sem hyggjast ferðast til Evrópu munu frá árinu 2021 þurfa að sækja um vegabréfsáritun sem heimilar þeim að ferðast um álfuna. Vikuritið Newsweek greinir frá þessu og segir vegabréfsáritunina munu hafa þriggja ára gildistíma, sem heimili Bandaríkjamönnum ótakmarkað ferðafrelsi innan Schengen-svæðisins.

Frétt af mbl.is

Ekki áritun heldur ferðaheimild

Í dag geta bandarískir ríkisborgarar dvalið 90 daga í Evrópu án þess að krafist sé vegabréfsáritunar. Nýjungin felur í sér að Bandaríkjamenn þurfa að sækja um sérstaka ETIAS-heimild, en samkvæmt vefsíðu ETIAS er breytingunni ætlað að auka öryggi svo forðast megi í framtíðinni „vandamál tengd komu ólöglegra hælisleitenda og hryðjuverkum“.

Evrópuþingið hefur áður kallað eftir því að framkvæmdastjórn ESB herti reglur um vegabréfaheimildir bandarískra ríkisborgara, m.a. vegna deilu um ferðatakmarkanir sem íbúar ESB-ríkjanna Búlgaríu, Króatíu, Póllands, Rúmeníu og Kýpur sæta af hálfu bandarískra yfirvalda.

• Blogga um frétt