Réttarhöld hófust í dag yfir ellefumenningum sem sakaðir eru um aðild að sprengjuárás í neðanjarðarlest í Sankti Pétursborg í Rússlandi í apríl 2017. Sprengjan kostað 15 manns lífið og tugir til viðbótar særðust.

„Herdómstóllinn í Moskovskiy hefur hafið rannsókn sína á glæpnum sem framinn var með árásinni á neðanjarðarlestina í apríl 2017,“ sagði í yfirlýsingu sem dómstóllinn sendi frá sér í  morgun.

Hópur tengdur Al-Quaeda vígasamtökunum lýsti yfir ábyrgð á sprengingunni, sem sögð var vera skilaboð til þeirra ríkja sem ættu í stríði við múslima. Var með því vísað til þátttöku Rússlandshers í Sýrlandsstríðinu.

Rússnesk yfirvöld sögðu Akbarjon Djalilov, 22 ára rússneskan mann sem fæddist í Kirgistan, hafa framkvæmt árásina, en Djalilov lést sjálfur í sprengingunni.

Herdómstóllinn mun hins vegar rétta yfir ellefu meintum vitorðsmönnum hans.

Tengdar fréttir

Sprenging í St. Pétursborg

„Skildi ekki hvað ég var að gera“

• Handtóku skipuleggjanda árásarinnar
• 8 teknir vegna sprengingarinnar í St. Pétursborg
• Gerðu sprengju óvirka
• Guðni sendir Pútín samúðarkveðju

» Fleiri tengdar fréttir

• Blogga um frétt