Barnaníðingur í Páfagarði
Setja bókamerki
George Pell, fyrrverandi fjármálastjóri Páfagarðs og kardínáli, var í dag dæmdur í sex ára fangelsi fyrir barnaníð.
Pell var dæmdur fyrir að hafa beitt tvo drengi kynferðislegu ofbeldi í Ástralíu. Aldrei áður hefur jafn hátt settur einstaklingur innan kaþólsku kirkjunnar verið dæmdur fyrir barnaníð. Pall beitti 13 ára gamla kórdrengi kynferðisofbeldi í dómkirkju í Melbourne árið 1996, samkvæmt niðurstöðu dómsins.
Kardínálinn, sem er 77 ára gamall, heldur því fram að hann sé saklaus og ætlar að áfrýja niðurstöðunni.
Í niðurstöðu dómsins í dag segir að klerkurinn hafi beitt drengina tvo harkalegu ofbeldi. Kviðdómur var einróma um sekt Pells í desember, að hann hafi beitt börn kynferðislegu ofbeldi. Þegar niðurstaðan var ljós hafði það mikil áhrif á kaþólsku kirkjuna enda Pell náinn ráðgjafi páfa.
Pell á ekki möguleika á reynslulausn fyrr en undir lok árs 2022. Vísaði dómarinn til aldurs Pell og versnandi heilsu hans og benti Pell um leið á það að mögulega myndi hann eyða því sem hann ætti ólifað á bak við lás og slá.
Grænlendingar stígi í átt að sjálfstæði
Litlar líkur á að stíflan losni á ofsafenginn hátt
Tóku bæ á stærð við Reykjanesbæ á sitt vald
Kjötvinnslan samræmist ekki skipulagi
Hrossatað skilgreint sem afurðir dýra en ekki spilliefni
Met sett í vinnslunni í október
Vil ekki sjá eftir neinu í þessu lífi
„Engin auðveld leið“ til að takast á við netsvik