Hlutabréf þýska efna- og lyfjaframleiðslurisans Bayer tóku skarpa dýfu í kauphöllinni í Frankfurt er markaðir opnuðu í morgun, en Bayer á fyrirtækið Monsanto sem framleiðir Roundup-illgresiseyðinn. Efnið var í gær úrskurðað krabbameinsvaldur af kviðdómi í Kaliforníuríki Bandaríkjanna.

Hlutabréfin í Bayer féllu um 10,5% við opnun markaðarins í Frankfurt, en kviðdómurinn vestanhafs mun í dag ákvarða hvort og þá hversu háar bætur Bayer verður gert að greiða manni að nafni Edwin Hardeman, vegna krabbameins sem hann fékk.

Frétt af mbl.is

Roundup aftur sagt krabbameinsvaldur

Ann­ar dóm­stóll í Kali­forn­íu úr­sk­urðaði í ág­úst á síðasta ári að Roundup-ill­gresis­eyðir­inn hefði valdið garðyrkju­manni nokkr­um í rík­inu krabba­meini. Voru hon­um dæmd­ar 289 millj­ón­ir doll­ara í bæt­ur.

11.200 mála­ferli gegn Mons­anto vegna Roundup-ill­gresis­eyðis­ins bíða þess nú að kom­ast fyr­ir dóm­stóla og var mál Har­dem­ans hugsað sem mögu­lega for­dæm­is­gef­andi varðandi skaðabóta­upp­hæðir í rúm­lega 760 mála­ferl­um vegna Roundup fyr­ir al­rík­is­dóm­stóln­um í San Francisco.

Frá höfuðstöðvum Bayer í Leverkusen í Þýskalandi. AFP

Tengdar fréttir

Roundup illgresiseyðir

Hlutabréf hækka vegna frétta af samkomulagi

• 250 milljarðar króna í bætur
• Roundup aftur sagt krabbameinsvaldur
• Skaðabætur lækkaðar um 20 milljarða
• Leyfilegt að úða með glýfosati

» Fleiri tengdar fréttir

• Blogga um frétt