Viðurkenni yfirráð yfir Gólanhæðum
Setja bókamerki
Donald Trump Bandaríkjaforseti vill að Bandaríkin viðurkenni yfirráð Ísraela yfir Gólanhæðum sem eru við landamæri Ísraels og Sýrlands.
„Eftir 52 ár er kominn tími til þess að Bandaríkin viðurkenni að fullu yfirráð Ísraela yfir Gólanhæðum,“ sagði Trump á Twitter.
Alþjóðasamfélagið hefur ekki viðurkennt yfirráð Ísraela yfir landsvæðinu sem þjóðin náði á sitt vald af Sýrlendingum. Trump sagði Gólanhæðir m.a. mikilvægar fyrir stöðugleika í Ísrael.
Um 20 þúsund ísraelskir landnemar búa í Gólanhæðum.
Benjamin Netanyahu, forsætisráðherra Ísraels, fagnaði ummælum Trumps. „Á sama tíma og Íran reynir að nota Sýrland sem stökkpall til að tortíma Ísrael sýnir Trump forseti mikið hugrekki með því að viðurkenna yfirráð Ísraels yfir Gólanhæðum,“ sagði hann á Twitter. „Takk fyrir, Trump forseti!“
Fundur hafinn hjá kennurum, ríki og sveitarfélögum
Létu lofthræðsluna ekki á sig fá
Heimildarmenn tala um hápólitískt drama
Sendi nektarmyndir af dreng sem hann passaði
Átta flokkar næðu inn
Börnin eiga að ýta við foreldrum sínum
Hvatti kjósendur til þess að greiða ógild atkvæði