Innleiða ný og strangari sjaríalög

Sjaríalög tóku gildi í ríkinu Brunei í dag, sem m.a. kveða á um að grýta megi til bana þá sem gerast sekir um samkynhneigð. Nýju lögin, sem þykja ströng útgáfa af sjaríalögunum, kveða einnig á um að þeim sem gerist sekir um þjófnað skuli refsað með aflimun.

Brunei er soldánaveldi á eyjunni Borneó og undir stjórn soldánsins alvalda Hassanal Bolkiah. Ríkið hefur auðgast á útflutningi á bæði olíu og gasi.

Í ávarpi sínu í dag er lögin voru innleidd kallaði soldáninn eftir „öflugri“ íslamskri fræðslu. „Ég vil að kenningar íslams verði sterkari í þessu landi,“ hefur AFP-fréttaveitan eftir soldáninum sem ekki minntist þó á nýju lögin í ræðu sinni.

Frétt af mbl.is

Sniðganga hótel í eigu Brúnei

Innleiðing laganna hefur sætt fordæmingu alþjóðasamfélagsins, en samkynhneigð var fyrir ólögleg í Brunei og varðaði allt að 10 ára fangelsi.

Samkvæmt nýju lögunum geta einstaklingar verið dæmdir sekir fyrir að hafa stundað kynlíf með einstaklingi af sama kyni ef þeir játa brot sitt, eða ef fjögur vitni eru að atburðinum.

Hefur samfélag samkynhneigðra í Brunei sagt nýju lögin áfall og að þar óttist menn „miðaldapyntingar“.

„Maður vaknar upp og áttar sig á því að nágrannar manns, fjölskyldan eða jafnvel litla ljúfa konan sem selur rækjukökur í götuvagni sínum telur mann ekki mennskan og að það sé í lagi að grýta mann,“ hefur BBC eftir samkynhneigðum manni í Brunei sem ekki vildi láta nafns síns getið.

Soldán Brunei, Hassanal Bolkiah, hefur nú látið verða af því að innleiða ný og strangari sjaríalög. AFP

Soldáninn er stjórnandi Brunei Investment Agency-fjárfestingafélagsins, sem á níu lúxushótel víða um heim, m.a. Dorchester-hótelið í London og  Beverly Hills-hótelið í Los Angeles.

Nú í vikunni tilkynntu breska popp­goðið Elt­on John og Hollywood-stjarn­an Geor­ge Cloo­ney að þeir ætli að sniðganga hót­el í eigu soldána­veld­is­ins Brúnei. Mót­mæla þeir þar með nýrri lög­gjöf í Brúnei sem læt­ur sam­kyn­hneigð og hjú­skap­ar­brot varða dauðarefs­ingu. 

„Í hvert skipti sem við gist­um á, höld­um fundi á eða snæðum á ein­hverju af þess­um níu hót­el­um, setj­um við fé beint í vasa mann­anna sem kjósa að grýta og húðstrýkja sína eig­in borg­ara til dauða fyr­ir að vera sam­kyn­hneigðir eða sakaðir um hjú­skap­ar­brot,“ sagði Clooney.

Dorchester-hótelið í London er í eigu soldánsins af Brunei. AFP

• Blogga um frétt