Gjaldtaka vegna mengandi bíla í miðborg Lundúna var tekin í gagnið í dag og munu ökumenn bifreiða sem ekki uppfylla ströngustu mengunarreglur þurfa að greiða rúmlega 12 pund til þess að komast inn í miðborgina.

Greint er frá því í frétt BBC af málinu að gert sé ráð fyrir því að gjaldtakan muni ná til um 40 þúsund bifreiða dag hvern.

Frétt af mbl.is

Hart tekið á mengandi bílum

Borgarstjóri Lundúna segir einkar mikilvægt að brugðist sé við síaukinni mengun í höfuðborginni, en eigendur smærri fyrirtækja á svæðinu hafa miklar áhyggjur af því hvaða áhrif gjaldið gæti haft á viðskipti.

Borgarbúar geta athugað hvort gjaldtakan eigi við þeirra farartæki á vef Lundúnasamgangna, en almennt er hægt að miða við að það eigi við um mótorhjól sem eru eldri en árgerð 2007, bensínbíla sem eru eldri en árgerð 2006 og díselbíla sem eru eldri en árgerð 2015.

Hver sá sem er staðinn að því að reyna að komast hjá því að greiða gjaldið verður sektaður um 160 pund. Sem stendur er aðeins um að ræða svæðið í innstu miðborg Lundúna en frá og með 25. október 2021 verður stærð svæðisins margfölduð.

Tengdar fréttir

Loftslagsvá

„Kæra fullorðna fólk“

• „Börn eru að upplifa holskeflu breytinga“
• Yfir 1.000 jöklar bráðnað í landinu
• „Við erum á leið til glötunar“
• Berjast áfram gegn hlýnun þrátt fyrir sigur Trumps

» Fleiri tengdar fréttir

Umhverfisvitund

Heildarflatarmálið stækkar við endurskoðun

• Fanga losun frá stóriðju og nýta í eldsneyti
• BM Vallá og Kapp hlutu umhverfisverðlaun
• Carbfix hlýtur Nýsköpunarverðlaun Íslands
• Hætt við að Ísland nái ekki að uppfylla markmiðin

» Fleiri tengdar fréttir

• Blogga um frétt