Bók sem Julian Assange, stofnandi uppljóstrunarsíðunnar WikiLeaks, heldur á er hann er borinn af breskum lögreglumönnum út úr sendiráði Ekvador í London hefur vakið töluverðar vangaveltur hjá notendum samfélagsmiðla.

Assange var hand­tek­inn í morg­un í sendi­ráði Ekvador í London, eft­ir að rík­i­s­tjórn Ekvador svipti hann póli­tísku hæli og verður hann leiddur fyrir dómara í London síðdegis í dag.

Bókin sést greinilega í höndum Assange og hafa nokkrir Twitter-notendur bent á að hann haldi þar á bók stjórnmálaskýrandans og rithöfundarins Gore Vidals History of the National Security State.

Í bókinni fjallar Vidal um þá sögulegu viðburði sem voru undanfari tilkomu umfangsmikilla njósna- og hernaðarmiðstöðva á iðnaðarskala og stjórnmálamenningu sem aftur leiddi til „forsetisforsetadæmis í anda keisaraveldis“.

Tengdar fréttir

Wikileaks - Julian Assange

Assange: Bakslag fyrir blaðamennsku víða

• Assange: Sekur um að hafa stundað blaðamennsku
• Assange snýr aftur til Evrópu
• Þórhildur Sunna fagnar miklum áfangasigri
• Glöð að Assange sé frjáls þrátt fyrir ásökunina

» Fleiri tengdar fréttir

• Blogga um frétt