Julian Assange hefur verið fundinn sekur um að hafa ekki mætt fyrir dómara í Lundúnum á tilsettum tíma, 29. júní árið 2012. Þetta segir fréttamaður BBC sem tíst hefur beint úr dómsalnum í Westminster.

Assange mun næst mæta fyrir dómara 2. maí næstkomandi, en þá verður tekin fyrir framsalskrafa bandarískra yfirvalda, sem hafa ákært Assange og vilja hneppa hann í allt að 5 ára fangelsi fyrir að hafa framið samsæri um tölvuinnbrot ásamt uppljóstraranum Chelsea Manning árið 2010.

Frétt af mbl.is

Vilja hneppa Assange í fimm ára fangelsi

Samkvæmt bresku fréttaveitunni Press Association (PA) gæti Assange átt yfir höfði sér allt að 12 mánaða dóm í Bretlandi fyrir það að mæta ekki fyrir dómara, fyrir sjö árum, en ákvörðun um refsingu Assange fyrir þetta brot hefur ekki verið tekin og verður afgreidd á hærra dómsstigi, samkvæmt Daniel Sandford, fréttamanni BBC, sem er á vettvangi.

Samkvæmt Sandford sagði dómarinn í Westminster-dómshúsinu að það væri sökum þess að brot Assange hefði verið svo alvarlegt.

Tengdar fréttir

Wikileaks - Julian Assange

Assange: Bakslag fyrir blaðamennsku víða

• Assange: Sekur um að hafa stundað blaðamennsku
• Assange snýr aftur til Evrópu
• Þórhildur Sunna fagnar miklum áfangasigri
• Glöð að Assange sé frjáls þrátt fyrir ásökunina

» Fleiri tengdar fréttir

• Blogga um frétt